គំរូ កិច្ចសន្យាទិញលក់
ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ
កិច្ចសន្យា លក់ ទិញ ផ្ទះ និង ដី
ដោយ និងរវាង
អ្នកលក់៖ ឈ្មោះ...................................... ភេទ ...... អាយុ ..... ឆ្នាំ កាន់អត្តសញ្ញាណប័ណ្ណសញ្ជាតិខ្មែរលេខ ......................... និង ឈ្មោះ.................................... ភេទ ...... អាយុ ..... ឆ្នាំ កាន់អត្តសញ្ញាណប័ណ្ណ សញ្ជាតិខ្មែរលេខ ......................... មានទំនាក់ទំនងត្រូវជា ............ មានអាសយដ្ឋាននៅ ផ្ទះ…...ផ្លូវ………..ភូមិ………….សង្កាត់/ឃុំ……………………….ខ័ណ្ឌ/ក្រុង/ស្រុក ………………………ខេត្ត/រាជធានី………………. ទូរស័ព្ទលេខ…………………………….តទៅហៅថា ភាគី ”ក“។
និង
អ្នកទិញ៖ ឈ្មោះ...................................... ភេទ ...... អាយុ ..... ឆ្នាំ កាន់អត្តសញ្ញាណប័ណ្ណសញ្ជាតិខ្មែរលេខ ......................... និង ឈ្មោះ.................................... ភេទ ...... អាយុ ..... ឆ្នាំ កាន់អត្តសញ្ញាណប័ណ្ណ សញ្ជាតិខ្មែរលេខ ......................... មានទំនាក់ទំនងត្រូវជា ............ មានអាសយដ្ឋាននៅ ផ្ទះ…...ផ្លូវ………..ភូមិ………….សង្កាត់/ឃុំ……………………….ខ័ណ្ឌ/ក្រុង/ស្រុក ………………………ខេត្ត/រាជធានី………………. ទូរស័ព្ទលេខ…………………………….តទៅហៅកាត់ថា «ភាគី”ខ“។
គូភាគីទាំងពីរបានឯកភាពព្រមព្រៀងគ្នាដោយមានបញ្ញាត្តិ និងលក្ខខណ្ឌចែងដូចខាងក្រោម ៖
ប្រការ ១៖ កម្មវត្ថុ
ភាគី”ខ“ យល់ព្រមទិញ ហើយ ភាគី”ក“ យល់ព្រមលក់ ផ្ទះ និងដីមួយកន្លែង ដែលមានអត្តសញ្ញាណ ដូចខាងក្រោម៖
១.១. ព័ត៌មានផ្ទះនិងដី
ភាគី”ក“ជាម្ចាស់ស្របច្បាប់នៃ ផ្ទះនិងដី មួយកន្លែងដែលមានប្រភេទលិខិតកម្មសិទ្ធិ: ………………….. លេខ: …………………… ចុះថ្ងៃទី ..... ខែ ....... ឆ្នាំ ............ មានទីតាំងដី និងផ្ទះស្ថិតនៅផ្ទះលេខ …. ផ្លូវលេខ …… ភូមិ …………….. ឃុំ/សង្កាត់ ………………… ស្រុក/ក្រុង/ខ័ណ្ឌ ………………… ខេត្ត/រាជធានី ……………ដែលមានទំហំដីសរុប…………..m2 (ម៉ែត្រការ៉េ)។
១.២ ភាគី”ក“ មានសិទ្ធិស្របច្បាប់ក្នុ្កងការលក់អចលនទ្រព្យ ដូចដែលបានរៀបរាប់ខាងលើ និងដែលមាននៅក្នុងលិខិតផ្ទេរសិទ្ធិ ដែលបានភ្ជាប់ជាឧបសម្ព័ន្ធនៃកិច្ចសន្យា។
ប្រការ ២៖ ការកំណត់តម្លៃអចលនទ្រព្យ
២.១ តម្លៃទិញផ្ទះនិងដីសរុបចំនួន ………………ដុល្លា(…………………………………ដុល្លារអាមេរិកគត់)។
២.២ តំលៃទិញខាងលើរួមបញ្ចូលនូវពន្ធទាំងឡាយ ថ្លៃឈ្នួល និងការចំណាយដែលពាក់ព័ន្ធទៅនឹងការផ្ទេរកម្មសិទ្ធិផ្ទះ និងដីពី ភាគី”ក“ ទៅភាគី”ខ“ (ប្លង់រឹង)។
ប្រការ ៣៖ លក្ខខណ្ឌ និង ការបង់ប្រាក់
៣.១ ប្រាក់ចំនួន………………..ដុល្លារ(………………………ដុល្លារអាមេរិកគត់) ជាប្រាក់កក់ដែល ភាគី”ខ“ ត្រូវបង់ឲ្យ ភាគី”ក“ នៅថ្ងៃចុះហត្ថលេខា និងផ្ដិតមេដៃដើម្បីអនុវត្តកិច្ចសន្យានេះ។ ដើម្បីធានាក្នុងកិច្ចសន្យានេះ ភាគី”ក“ បន្ទាប់ពីទទួលបានប្រាក់កក់នេះហើយ មិនអាចកែប្រែលែងលក់ ឬលក់អចលនវត្ថុទៅឲ្យតតិយជនដោយមិនមានការយល់ព្រមពី ភាគី”ខ“ ឡើយ។
៣.២ ភាគី”ខ“ ត្រូវបង់ប្រាក់ទៅឲ្យ ភាគី”ក“ ជាបីដំណាក់កាល និងគោរពទៅតាម លក្ខខណ្ឌដូចខាងក្រោម៖
ដំណាក់កាលទី១៖ ភាគី”ខ“ បានបង់ប្រាក់ថ្លៃទិញផ្ទះនិងដីលើកទី១ ចំនួន ……………ដុល្លា
(……………………….ដុល្លារអាមេរិកគត់) រួចហើយ នៅថ្ងៃទី….. ខែ…..….ឆ្នាំ….…….។
ដំណាក់កាលទី២៖ ភាគី”ខ“ ត្រូវបង់ប្រាក់ថ្លៃទិញផ្ទះនិងដីលើកទី២ ចំនួន ចំនួន ……………ដុល្លា
(……………………….ដុល្លារអាមេរិកគត់) ដើម្បីបង្ក្រប់ចំនួន …..% ដែលមានតម្លៃស្មើនឹង ចំនួន …………ដុល្លា (……………..……ដុល្លារអាមេរិកគត់) នៅថ្ងៃចុះកិច្ចសន្យានេះ។
ដំណាក់កាលទី៣៖ ភាគី”ខ“ ត្រូវទូទាត់ ប្រាក់ថ្លៃទិញផ្ទះនិងដីលើកចុងក្រោយចំនួន......% ដែលនៅសល់ មានតម្លៃស្មើនឹង …………ដុល្លា (……………..……ដុល្លារអាមេរិកគត់) ទៅឲ្យ ភាគី”ក“ នៅថ្ងៃដែល ភាគី”ក“ ប្រគល់វិញ្ញាបនប័ត្រសំគាល់ម្ចាស់អចលនវត្ថុ ទៅអោយ ភាគី”ខ“ ។
ប្រការ ៤៖ ការកំណត់រយៈពេលផ្ទេរសិទ្ធិ
ភាគី”ខ“ បានផ្ដល់សិទ្ធិក្នុងការកាត់ឈ្មោះផ្ទេរសិទ្ធិលើ ផ្ទះនិងដី ចំនួន…….. ខែ ដោយចាប់គិតពីថ្ងៃទី….. ខែ…..….ឆ្នាំ….…….ដល់ថ្ងៃទី….. ខែ…..….ឆ្នាំ….…….។ ការកំណត់រយៈពេលនេះចាប់គិតពីពេលដែល ភាគី”ក“ បានទទួលប្រាក់កក់គ្រប់ចំនួនពី ភាគី”ខ“។
ប្រការ ៥៖ សិទ្ធិ និងកាតព្វកិច្ចរបស់ភាគី”ក“
៥.១ ភាគី”ក“ មានសមត្ថភាពតាមផ្លូវច្បាប់ក្នុងការចុះកិច្ចសន្យានេះ។
៥.២ ភាគី”ក“ ត្រូវរៀបចំឯកសារ និងដាក់ឯកសារដែលពាក់ព័ន្ធសំរាប់ធ្វើការផ្ទេរសិទ្ធិ ផ្ទះនិងដី ពី ភាគី ”ក“ ទៅភាគី”ខ“ ឬក៏ទម្រង់ឯកសារស្តីពីការផ្ទេរសិទ្ធិដីនិងផ្ទះដែលតម្រូវ ដោយអាជ្ញាធរមានសមត្ថកិច្ច និងត្រឹមត្រូវតាមច្បាប់។
៥.៣ ច្បាប់ដើមនៃឯកសារទាំងអស់ខាងលើត្រូវប្រគល់ជូនទៅ ភាគី”ខ“ នៅពេលជាមួយគ្នាដែល ភាគី”ខ“ ធ្វើការបង់ប្រាក់លើកចុងក្រោយនេះគ្រប់ចំនួនមកឲ្យ ភាគី”ក“។ បើ ភាគី”ក“មិនអាចប្រគល់ជូនឯកសារលើការផ្ទេរកម្មសិទ្ធិឱ្យ ភាគី”ខ“ បានទេ នោះភាគី”ខ“ អាចធ្វើការទាមទារជំងឺចិត្តពី ភាគី”ក“ចំនួន……%(……….ភាគរយ)នៃប្រាក់សរុបដែរបានបង់ឱ្យភាគី ភាគី”ក“(ដោយការយឺតយ៉ាវនេះមានរយៈពេលចាប់ពី២សប្ដាហ៍បន្ទាប់ពីប្រគល់ប្រាក់លើកចុងក្រោយ)។
៥.៥ ភាគី”ក“ជាអ្នកទទួលខុសត្រូវក្នុងការចំណាយដែលពាក់ព័ន្ធទៅនឹងការផ្ទេរកម្មសិទ្ធិ ផ្ទះនិងដី ពីភាគី”ក“ទៅ ភាគី”ខ“ (ប្លង់រឹង)រួមទាំងកាតព្វកិច្ចបង់ពន្ធទាំងឡាយពីមុនមក(ករណីបើមាន)។
៥.៦ ភាគី”ក“ មានតួនាទីផ្ដល់ពត៌មានដែរទាក់ទងនឹង ដី-ផ្ទះ ទៅកាន់ភាគី”ខ“ គ្រប់ពត៌មានទាំងអស់រួមមានវិការៈលើកអចលនវត្ថុ ហើយបើមានបញ្ហាលើពត៌មានដែលបានផ្ដល់ដោយ ភាគី”ក“ ភាគី”ក“មិនទទួលខុសត្រូវនោះទេ តែបើមានបញ្ហាចំពោះវិការៈកំបាំងមុខ ភាគី”ក“ត្រូវទទួលខុសត្រូវចំពោះភាគី”ខ“ ផងដែរ។
៥.៧ ភាគី”ក“ ធានាថា មិនមាន ឬមិនជាប់ពាក់ព័ន្ធនឹងការឃាត់ទុកហ៊ីប៉ូតែក ដីការរបស់តុលាការ ឬបន្ទុកដទៃទៀត សិទ្ធិ ឬការទាមទារណាដែលធ្វើឡើងដោយតតិយជនណាមួយមកលើ ឬប្រឆាំងទៅនឹងអចលនវត្ថុនេះនូវផ្នែកណាមួយ ឬទាំងស្រុងឡើយ។
៥.៨ បើផ្ទះនិងដីដែល ភាគី”ក“ កាន់កាប់ត្រូវបានជួលទៅឱ្យភាគីអ្នកជួលកំពុងប្រើប្រាស់ ដូច្នេះ ភាគី”ខ“ យល់ព្រមទទួលយក និងបន្តកុងត្រាជួលរវាង ភាគី”ក“ និងភាគីអ្នកជួល។
៥.៩ ភាគី”ក“ ធានាថា មិនមានអ្នកកាន់កាប់មិនស្របច្បាប់ និងចុះកិច្ចសន្យាជាមួយភាគីដទៃទៀតពាក់ព័ន្ធទៅនឹងការចាត់ចែងផ្ទះនិងដីនៅផ្នែកណាមួយឡើយ។
៥.១០ ប្រសិនបើ ភាគី”ខ“ បំពានកិច្ចសន្យានេះយ៉ាងធ្ងន់ធ្ងរ និង ដោយឯកតោភាគី ហើយខកខានក្នុងការកែតម្រូវការបំពាននោះនៅក្នុងរយៈពេល ៣០ (សាមសិប)ថ្ងៃ បន្ទាប់ពីទទួលការជូន ដំណឹងជាលាយលក្ខណ៍អក្សរពី ភាគី”ក“ ដោយចាប់គិតពីថ្ងៃដែលត្រូវធ្វើការទូទាត់ប្រាក់នោះ ភាគី”ក“ មានសិទ្ធិក្នុងការបញ្ចប់កិច្ចសន្យានេះ។ ហើយភាគី”ក“ មានសិទិ្ធទទួលបាន ប្រាក់ថ្លៃផ្ទះ និង ដី ដែលភាគី”ខ“បានបង់រួចហើយទាំងអស់។ ប្រសិនបើ ភាគី”ក“ បានធ្វើការផ្ទេរកម្មសិទ្ធិលើ ផ្ទះ និង ដី ទៅឲ្យ ភាគី”ខ“រួចហើយតាមកិច្ចសន្យានេះយ៉ាងត្រឹមត្រូវនោះ ភាគី”ខ“ត្រូវធ្វើការផ្ទេរកម្មសិទិ្ធលើដីទៅឲ្យភាគី”ក“ វិញដូចមានចែងក្នុងប្រការខាងលើ។
ប្រការ៦៖ សិទ្ធិ និងកាតព្វកិច្ចរបស់ភាគី”ខ“
៦.១ ភាគី”ខ“ ធានាថា នឹងប្រគល់ប្រាក់ទៅតាមកាលបរិច្ឆេទដែលបានកំណត់នីមួយៗ ។
៦.២ ប្រសិនបើមានការបង់ប្រាក់យឺតយ៉ាវ(ចាប់ពី១ខែឡើងទៅ) ភាគី”ក“អាចទាមទារឱ្យ ភាគី”ខ“ បង់ការប្រាក់មិនលើសពី ៥ភាគរយក្នុងមួយឆ្នាំឡើយគឺមានចំនួន…...%(……….ភាគរយ)នៃតម្លៃលក់អចលនទ្រព្យសរុប។
៦.៣ បើដល់ថ្ងៃសន្មត់ហើយ ភាគី”ខ“ មិនទាន់បានបង់ថ្លៃគ្រប់ចំនួន(លើសពី១សប្ដាហ៍ ដោយមិនបានជូនដំណឹងជាលាយលក្ខណ៍អក្សរ) ភាគី”ក“អាចសុំរំលាយកិច្ចសន្យា ដកហូតប្រាក់កក់ និងប្រាក់ដែលបានបង់ទៅឱ្យភាគី”ក“។
៦.៤ ភាគី”ខ“ ត្រូវចុះហត្ថលេខា ឬផ្ដិតស្នាមមេដៃលើឯកសារចាំបាច់ទាំងឡាយណា ដើម្បីធ្វើការផ្ទេរសិទិ្ធ ផ្ទះនិងដី មកឈ្មោះរបស់ភាគី”ខ“ ដោយរួមមានទាំងការចុះហត្ថលេខា និងការផ្តិតស្នាមមេដៃ នៅកាលបរិច្ឆេទចុះកិច្ចសន្យានេះ ឬនៅកាលបរិច្ឆេទណាក្រោយទៀត ដូចដែល ភាគី”ក“តមូ្រវដើម្បីទទួលបានការផ្ទេរសិទ្ធិ ផ្ទះនិងដី។
៦.៥ ភាគី”ខ“ ផ្តល់នូវឯកសារពាក់ព័ន្ធនានាដើម្បីសម្រួលដល់ដំណើរការរត់ការកាត់ឈ្មោះផ្ទេកម្មសិទ្ធិ។
៦.៦ ភាគី”ខ“ ធ្វើការបង់ប្រាក់លើថ្លៃ ទិញលក់ផ្ទះនិងដី ស្របតាម ប្រការ ៣.២ ខាងលើ ហើយ ភាគី”ខ“ គ្មានសិទិ្ធផ្ទេរកិច្ចសន្យានេះទៅឲ្យតតិយជនមកអនុវត្តកាតព្វកិច្ចជំនួសបានឡើយ លើកលែងតែសន្តិជន របស់គូភាគីដូចដែលបានចែងក្នុង ប្រការ ៧ តែប៉ុណ្ណោះ។
៦.៧ ប្រសិនបើភាគី”ក“ ខកខានក្នុងការអនុវត្តកាតព្វកិច្ចរបស់ខ្លួនក្នុងការផ្ទេរកម្មសិទិ្ធផ្ទះនិងដី ទៅឲ្យអ្នកទិញដូចមានចែងក្នុង ប្រការ ៤ ខាងលើ ឬធ្វើការលក់ផ្ទះនិងដីទៅឲ្យតតិយជន ឬកែប្រែមិនព្រមលក់ នោះ ភាគី”ក“ ត្រូវសងសំណងប្រាក់ថ្លៃទិញផ្ទះនិងដី ដែលបានទទួលចំនួនពីរដងនៃប្រាក់ដែលបានបង់រួចហើយ(ប្រាក់នេះរួមបញ្ចូលទាំងប្រាក់ដែលបានបង់)មកឲ្យ ភាគី”ខ“ ។
ប្រការ ៧៖ ការទទួលកិច្ចសន្យាបន្ត
សិទ្ធិទាំងឡាយរបស់គូភាគីនៅក្នុងកិច្ចសន្យានេះត្រូវមានអានុភាព ដើម្បីជាប្រយោជន៍ដល់សន្តតិជនរបស់ គូភាគីហើយសិទិ្ធនិងកាតព្វកិច្ចទាំងអស់ ត្រូវចងកាតព្វកិច្ចលើសន្តតិជនរបស់ ភាគី”ក“ និង ភាគី”ខ“ ។
ប្រការ ៨៖ ការកែប្រែកិច្ចសន្យា
កិច្ចសន្យានេះអាចកែប្រែបាន ប្រសិនបើមានការព្រមព្រៀងរវាងភាគីទាំងពីរ។ ភាគីដែលចង់កែប្រែ ត្រូវធ្វើសំណើរជាលាយលក្ខណ៍អក្សរទៅភាគីម្ខាងទៀត ដោយបញ្ជាក់អំពីចំនុចដែលចង់កែប្រែ និងបា្រប់មូលហេតុរបស់ខ្លួន។
ប្រការ ៩៖ សុពលភាពនៃកិច្ចសន្យា
៩.១ កិច្ចសន្យានេះបង្កើតជាកិច្ចសន្យាទាំងមូលរបស់គូភាគី។ កិច្ចសន្យាណាដែលមានពីមុន ទោះជាដោយផ្ទាល់មាត់ ឬជាលាយលក្ខណ៍អក្សរក្តី ដែលមានវិវាទជាមួយកិច្ចសន្យានេះ ត្រូវចាត់ទុកជាមោឃៈ។ ពុំមានការកែប្រែណាលើកិច្ចសន្យានេះត្រូវមានប្រសិទ្ធ ភាពឡើយ ដរាបណាមិនត្រូវបានធ្វើឡើងជាលាយលក្ខណ៍អក្សរ និងត្រូវបានផ្ដិតមេដៃដោយគូភាគីទាំងពីរទេនោះ។
៩.២ ប្រសិនបើមានបញ្ញត្តិណាមួយនៃកិច្ចសន្យានេះត្រូវចាត់ទុកថាមិនមានសុពលភាព ឬមិនអាចអនុវត្តបាន កិច្ចសន្យានេះត្រូវបកស្រាយថាមិនមាននូវបញ្ញត្តិទាំងនោះឡើយ ហើយសិទ្ធិ និងកាតព្វកិច្ចរបស់គូភាគីនៅក្នុងកិច្ចសន្យានេះត្រូវបកស្រាយ និងអនុវត្តដូចជាមិនមាននូវបញ្ញត្តិទាំងនោះដែរ។
ប្រការ ១០៖ ការរំលោភបំពានកិច្ចសន្យា និងការដោះស្រាយវិវាទ
កិច្ចសន្យានេះត្រូវគ្រប់គ្រងដោយច្បាប់នៃព្រះរាជាណាចក្រកម្ពុជា។ ក្នុងករណី មានវិវាទ ភាគីជម្លោះអាចធ្វើការដោះស្រាយដោយ ធ្វើការចចារ សន្ធាកម្ម និងមជ្ឈិត្តកម្ម ដែលមានទីតាំងនៅក្រុងភ្នំពេញ និងមានមជ្ឈិត្តករមួយរូបក្នុងការដោះស្រាយវិវាទ។ បើគូភាគីនៅតែមិនអាចដោះស្រាយបញ្ហាបាន គូភាគីអាចដោះស្រាយជម្លោះនៅមុខតុលាការដែលមានសមត្ថកិច្ចនៅក្នុងប្រទេសកម្ពុជា។
ប្រការ ១១៖ ការបញ្ចប់កិច្ចសន្យា
កិច្ចសន្យានេះ អាចត្រូវបញ្ចប់ប្រសិនបើមានការយល់ព្រមព្រៀងរវាងគូភាគី ឬដោយមូលហេតុស្របច្បាប់ផ្សេងទៀត។ ភាគីដែលប្រព្រឹត្តកំហុស ត្រូវទទួលខុលត្រូវចំពោះមុខច្បាប់។
ប្រការ ១២៖ កិច្ចការទូទៅ
កិច្ចសន្យានេះត្រូវបានធ្វើឡើងជាភាសាខ្មែរចំនួនបី (០៣) ច្បាប់មានតម្លៃស្មើគ្នា ដោយ ប្រគល់ជូនគូភាគីម្នាក់មួយច្បាប់ និងមួយច្បាប់ទៀតតម្កល់នៅការិយាល័យមេធាវីរបស់ភាគី”ក“ និងភាគី”ខ“ ។
ប្រការ ១៣៖ ឧបសម្ព័ន្ធ
ឧបសម្ព័ន្ធ១ វិញ្ញាបនប័ត្រសំគាល់មា្ចស់អចលនវត្ថុ
ឧបសម្ព័ន្ធ២ អត្តសញ្ញាណប័ណ្ណរបស់គូភាគី
ឧបសម្ព័ន្ធ៣ លិខិតកក់ប្រាក់ទ្រនាប់ដៃ
ដើម្បីជាសក្ខីភាព ភាគី”ក“ និងភាគី”ខ“ តាមរយៈការចុះហត្ថលេខានិងការផ្តិតស្នាមមេដៃខាងក្រោម នៅកាលបរិច្ឆេទដូចបានសរសេរនៅខាងក្រោមបង្អស់នៃកិច្ចសន្យានេះ ទទួលស្គាល់ និងយល់ព្រមលើលក្ខខណ្ឌផ្សេងៗនៃកិច្ចសន្យានេះ។
ធ្វើនៅ …………………. ថ្ងៃទី….. ខែ…..…. ឆ្នាំ…………..
ភាគី”ក“ សាក្សីអ្នកលក់ សាក្សីអ្នកទិញ ភាគី”ខ“
Comments
Post a Comment